АҚШ суди совиқ Совет Иттифоқи даврида шаклланган жиноий тўданинг икки аъзосини зўравонлик билан пул ундиришда айбдор деб топди.
Бу ҳақда 19 июнь куни АҚШ Адлия вазирлиги билдирди.
Вазирлик билдирувида ёзилишича, тўда етакчиси Ражден Шулая ҳамда унинг асосий шериги Автандил Хурцидзе зўранвонлик, ўғрилик, ўғирланган молларни сотиш ҳамда фирибгарлик каби қатор жиноятга қўл урган.
Айбловчилар Шулая бошқа жиноятчилардан солиқ олиб турганини, уларни ҳимоялаб, майда гуруҳ аъзолари ўртасида юзага чиққан келишмовчиликларни ҳал қилишда иштирок этганини айтганлар.
Шулая АҚШда рэкетда айбдор деб топилган собиқ Совет мамлакатларидан келган илк жиноятчилардан биридир.
АҚШ айбловчиларига кўра, Шулая ёрдамчиларининг аксари собиқ СССР давлатларидан бўлиб, улар Грузия, Украина ва Россиядаги шериклари билан ҳамкорлик қилиб турган.
Шулая беш жиноятда айбдор деб топилган.
Булар орасида фақат рэкет учун у 20 йилга қамалиши мумкин.
Профессионал боксчи Хурцидзе эса Шулаянинг ёрдамчиси бўлган.
Собиқ бокс чемпиони одамларга ҳужум қилаётгани акс этган икки видео мавжуд.
Хурцидзе рэкетда ва пул ювиш билан боғлиқ товламачиликда айбдор деб топилган.
У мазкур айбловларнинг ҳар бири учун 20 йил қамоқ жазосига ҳукм қилиниши мумкин.
