Қирғизистонда норозилар олтин заводининг қурилаётган биносига ўт қўйди
Жалолобод вилоятининг Тўғизтўра туманида “Жи Эл Макмал девелопинг" олтин қазиб олиш ширкати томонидан қурилаётган бинога ўт қўйилди. Ички ишлар вазирлигининг айтишича, 11 апрель куни мингга яқин одам норозилик намойишига чиқиб, ширкат ҳудудига бостириб кирган. Улар қурилаётган бино атрофидаги тўсиқларни бузиб, қурилаётган бинони ва техникаларни ёқиб ташлаган. Бундан авваллари ҳам Тўғизтўра аҳолиси туман ҳудудида олтин қазиб олиниши ва олтин заводининг қурилиши экологияга салбий таъсир кўрсатишини билдириб, қатор намойишларни ўтказган эдилар.