Линклар

Шошилинч хабар
24 июн 2018, Тошкент вақти: 04:51

Толибон вакиллари Тошкент конференциясида қатнашиш учун мурожаат қилмаган


Ҳиротдаги Толибон жангарилари.

Ўзбекистон Ташқи ишлар вазирлиги Толибон вакилларининг Афғонистонда тинчлик ўрнатиш муаммосига бағишлаб Тошкентда ўтказиладиган халқаро анжуманда қатнашиш эҳтимоли ҳозирча йўқлигини билдирди.

Ўзбекистон ва Афғонистон президентлари ташаббуси билан 26-27 март кунлари Тошкентда ўтказиладиган юқори даражали халқаро конференцияга БМТ Бош котиби ва БМТнинг Афғонистон бўйича махсус вакили¸ ЕИнинг ташқи ишлар ва хавфсизлик бўйича Олий намояндаси таклиф этилган.

Вазирлик 12 март куни эълон қилган баëнотда ëзилишича¸ Тошкент конференциясига шунингдек Хитой¸ Россия¸ АҚШ¸ Буюк Британия¸ Германия¸ Италия¸ Франция¸ Туркия¸ Ҳиндистон¸ Эрон¸ Покистон Саудия Арабистони¸ БАА ва минтақанинг тўрт давлати Ташқи ишлар вазирлари ҳам чақирилган.

12 мартга қадар¸ вазирлик таъкидича¸ чақирилган хориж намояндаларининг аксарияти анжуманда иштирок этишини тасдиқлаган.

“Толибон" ҳаракатига келадиган бўлса¸ уларнинг анжуман ишида қатнашишга оид мурожаати на Афғонистон Ташқи ишлар вазирлиги орқали ва на бевосита келиб тушди¸ дейилади Ройтерс агентлиги саволига жавоб тариқасида берилган расмий баëнотда.

Айтилишича¸ Тошкент конференциясига келадиган АҚШ делегациясига Давлат котибининг 1-ўринбосари раҳбарлик қилади.

XS
SM
MD
LG