Озодлик тингловчилари президент Ислом Каримовни 78 ёшга тўлиши билан табриклар экан, шу баҳонада Каримовнинг 27 йиллик раҳбарлиги пайтида қўлга киритилган ютуқлар ва бой берилган имкониятлар ҳақида ўз қарашларини изҳор қилдилар.
Ўзбекистон президенти Ислом Каримов 78 ёшга тўлди. У 27 йилдан буён Ўзбекистонга раҳбарлик қилиб келмоқда.
Озодлик тингловчилари бу сана муносабати билан Ислом Каримовнинг раҳбарлик йилларидаги фаолиятига ўз фикрларини билдирдилар.
Фарғона вилоятининг Фурқат туманида фермерлик қилаётган 69 яшар Очил ота Бегматовнинг айтишича, Ислом Каримов тўғри сиёсат олиб боряпти, лекин унинг қўл остидаги амалдорлар аравани ҳар томонга тортяпти.
Самрқандлик қурилиш мутахассиси Салоҳиддин Қўчқоров президентни туғилган куни билан табриклай олмаслигини айтар экан, Каримов раҳбарлиги пайтида мамлакат чуқур иқтисодий-сиёсий инқирозга юз тутганини таъкидлайди:
Ислом Каримовнинг тенгдоши, жиззахлик Набижон ота Жўрабоев фикрича, президент халқнинг бугунги ҳақиқиқий аҳволидан бехабар, маҳаллий ҳокимлар қонунларни ўз манфаатлари йўлида ишлатмоқда:
Аммо сирдарёлик Ҳайдаржон Набижон отанинг фикрларига қўшилмайди. Ҳайдаржон фикрича, президент Конституция талаби - икки мартадан ортиқ президентликка сайланмаслик ҳақидаги моддасини бузди. У мамлакатда миллионлаган ишсизлар армиясининг пайдо бўлишига сабабчи бўлди: