Saudiy Arabistoniga rasmiy safari doirasida Tojikiston prezidenti Imomali Rahmon Makkai Mukarramaga borib, o‘z yaqinlari bilan Umra ibodatini ado etdi.
Tojikiston prezidenti matbuot xizmatining ma’lum qilishicha, 4 yanvar kuni Imomali Rahmon va uning yo‘ldoshlari ehrom kiyib, Ka’batullohni tavof qilgan, so‘ngra Umra uchun lozim bo‘lgan boshqa amallarni bajargan.
Bu Imomali Rahmon ado etgan Umra ibodatining to‘rtinchisidir.
Tojikiston prezidenti 1997, 2001 va 2005 yillarda ham Umraga borgandi.