Урганч марказидаги “Ёшлар кўли” дам олиш масканида 8 август оқшомида содир бўлган фожеа сабабларини Президент буйруғи билан тузилган ҳукумат комиссияси ўрганаётгани маълум бўлди.
Комиссия ўз хулосаларини чиқаргунча, Сиз тингловчида Урганчда п р и н ц и п д а нима бўлганини билиш эҳтиёжи бор, албатта.
Шу эҳтиёжни қондириш учун бугун мутахассис изладик ва уни Швециядан топдик. Шу пайтгача журналист сифатида таниганимиз Тўлқин Қораевнинг қурилиш конструкцияларини лойиҳалаш соҳасида 15 йиллик тажрибаси борлигини билдик...
Тўлқин Қораев 1986 йилдан 1998 йилгача қурилиш объектларини лойиҳалаштириш соҳасида: Қашқадарё қурилиш трестида, Тиблойиҳа институтида, Қашқадарё вилоят архитектура ва шаҳарсозлик бошқармасида ҳамда қисқа муддат “Узгипросельстрой”да ишлаган.