Ироқдаги портлашлардан камида 27 киши нобуд бўлди

24 июн куни Ироқда камида 27 киши портлаш қурбони бўлди, ўнлаб одам яраланди. Зўравонлик амалиётларининг аксарияти Бағдоднинг шиалар истиқомат қиладиган мавзеларида содир бўлди. Кеча Ироқ пойтахтида камида 10 автомобил портлатилди. Мўсул ва Тикрит шаҳарларида ҳам хуружлар кузатилди. Мазкур ҳужумлар учун масъулиятни ҳеч ким ўз зиммасига олгани йўқ.