Кун саволларини иқтисодий таҳлилчилар Жамшид Муслимов ва Сапарбой Жубаевларга бердик. Сарвар Усмон суҳбатлашди.
Исроил армияси Эрон ҳудуди бўйлаб зарба берди, бу зарбалардан ҳеч қаерга шикаст етмаганини билдирган Эрон эса “максимал даражада” жавоб қайтаришни ваъда қилмоқда. Эронга қарши ҳужум уюштирилгани ҳақида Исроил ва Эрон оммавий ахборот воситалари хабар қилишди.
Хавфсизлик нуқтаи назаридан ўз шахсини ошкор қилишни истамаган йигит Россия фуқаролигини олганига қарамай, Москвада очган кафесини ёпиб, Қирғизистонга қайтишга мажбур бўлди. Охирги вақтларда у каби Россиядан қайтаётганлар сони ортиб бормоқда.
Олтиариқда ҳалиям янги узилгандек турган узумлар борлиги ҳақида биласизми? Ўтган йилги ҳосил янги ҳосил пишгунича ўз кўриниши ва таъмини йўқотмай туришиничи? Олтиариқликлар узумни музлатгичда сақлайдими? Ёки...
Қозоғистон ИИВ маълумотига кўра, Атирау вилоятида тўрт киши, Туркистон вилоятида ёш бола чўкиб кетган ,одамлар ўлими фактлари бўйича жами еттита жиноят иши очилган.
Грузия парламентида 17 апрель дохил уч кундан буён кўриб чиқилаётган “хорижий агентлар тўғрисида”ги қонун лойиҳаси минглаб одамнинг норозилигига сабаб бўлиб, уларни Тбилиси кўчаларига чиқишга ундади.
Шу кунларда Қозоғистонда хотинини уриб ўлдирган собиқ вазир устидан суд жараёни кетмоқда. Ўзбекистонда эса, хотин-қизларни оилавий зўравонликдан ҳимоялашга қаратилган қонун қабул қилинганига бир йил тўлди. Қонун қабул қилинганидан бери ўтган бир йилда нима ўзгарди?
Ўзбекистонда кучли ëмғир сабаб бир қанча шаҳар ва қишлоқларни сел урди. Шимолий Қозоғистонда 1700дан ортиқ уй сув остида қолган, 7000дан ортиқ одам эвакуация қилинган.
Бу Ўзбекистон президенти Шавкат Мирзиёевнинг “Янги Ўзбекистон” , “учинчи ренессанс” даври деб аталаётган мамлакатдаги қишлоқ йўллари ва мактабининг бугунги ҳолати.
Толибон бошчилигидаги ҳукумат оқибатлари борасидаги хавотирларга қарамай, улкан Қўштепа канали лойиҳасини давом эттирмоқда. Сув Афғонистон ва Марказий Осиё орқали ўтувчи асосий сув манбаи бўлган Амударёдан олинади.
Ўзбекистон ҳудудидаги Барак анклави аҳолиси Ўш вилоятининг Қорасув туманига кўчирилди. Маҳаллий ҳокимият маълумотларига кўра, мазкур қишлоқда 900 нафардан зиёд одам истиқомат қилган.
Қирғизистонлик ўзбек Илҳом Мирзамаҳмудов Россияда терроризмни оқлаш ва террорчи ташкилот фаолиятига ёрдам берганликда айбланмоқда. Аммо у ва унинг яқинлари айбловлар асоссиз ва туҳмат эканлигини айтади. Муҳожирнинг оила аъзолари айтишича, Илҳом қийноқлар натижасида айбловларни бўйнига олган.
Давомини ўқинг