Science Advances журналида чоп этилган изланиш муаллифлари бундан қарийб 7 минг йил аввал яшаган аёллар суяклари билан ҳозирги кундаги аёллар, хусусан, эшкакчилар ва Британиядаги коллеж талабалари суякларини солиштирган.
Жисмоний машғулотлар инсон суяклари зичлиги ва шаклига таъсир кўрсатади.
Изланиш муаллифлари бундан 7 – 7,4 минг йил олдин яшаган неолитик аёллар суяклари Кембридж университети эшкакчилар клубига аъзо аёллар суякларидан 11-16 фоиз мустаҳкамроқ эканлигини аниқлашган.
Шунингдек, примитив аёл деҳқонларнинг қўли оддий Кембридж талабасининг қўлидан 30 фоиз кучлироқ бўлгани аниқланган.
Бу ҳолат сабаби қадимда ер қўлда ҳайдалиб¸ дон қўлда эзилган ўша пайтдаги деҳқончилик билан боғлиқ бўлиши мумкин.
Тадқиқот муаллифларидан бири Жей Сток:
- Изланишимиз натижалари минглаб йил давомида аёлларнинг қўл меҳнати дастлабки деҳқончилик иқтисодларида муҳим ўрин тутганини кўрсатади, - деди.
