Андижонлик Озодлик тингловчиси пахта сиёсати сабабли ветеринар шифокори мижозларни пахта теришга мажбурлаётганидан шикоят қилди:
“Мен Андижонданман. Сизга ёзишимнинг сабаби шуки, мени хижолатга солаётган ишлар бўлмоқда.
Уйимизда итимиз бор эди. Итимиз қаердандир ўзига касаллик юктириб олди. Даволашга ҳаракат қилдик. Яъни ҳар-ҳил мазлар сурдик. Яхши бўлган эди орасида. Тузалмоқда деб ўйладик. Бироқ ниҳоятда фойдаси бўлмади. Аста секин касаллик ўзини кўрсата бошлади. Ўрнидан туришга қийналиб қолгани учун уйдагилар “жони қийналмасин” деб ветеринарга ухлатиш учун олиб борди.
Аммо, энг қизиғи шуки, жаноб ветеринар итни ухлатиш эвазига уйдагилардан пахтага чиқиб, пахта териб бериш кераклигини айтибди. Наҳотки, итни ухлатиб бериш эвазига пахта теришга мажбурласа энди…”