Ўқитувчиларнинг амал қилиш муддати 15 йил этиб белгиланди...ми?
Ассалом алайкум Озодлик радиоси
Мен Ўзбекистон халқ таълими вазирлигидан қаттиқ норозиман.
Вазирлик ўрта ва ўрта махсус таълими соҳасида 15 йил бир жойда ишлаб келган ишчи ходимларни ишдан бўшатиш ҳақида бутун Ўзбекистон бўйлаб мактуб йўллаган.
Энди бу одамлар қаерда иш топсин? Оиласини қандай еб-ичиради?
Хўжайли шаҳар фуқароси.
Андижон кўча боллари милиция зўравонлигидан шикоят қилмоқда
Андижон вилоятида кўча болларини маъмурий жавобгарликка тортиш авжига чиқмоқда. Милиция ходимлари кўчадаги хулқи бузуқ қизлар билан тил бириктириб, жанжал уюштириб болларни Ўзбекистон республикаси маъмурий кодексининг 183-194-197 моддалар билан қамоққа олиб бормоқда.
Боллар мана бу суратда кўрганингиздай ҳолатда чиқиб келмоқда.
Қўқон милицияси аҳолидан ҳужжатларини олиб кетмоқда
Куни-кеча Қўқон шаҳрида кечки пайт 2 нафар милиция ходими ва маҳалла ходимлари биргаликда бизнинг 21 - маҳаллага келиб барча одамларнинг паспорт ва "домовой" ҳужжатларни бирма-бир текширамиз деб, барча ҳужжатларни йиғиштириб олиб кетди. Тинчликмикан?
Совуқ урган буғдой учун суғурта берилмаяпти
2015 йилда биз фермерлар Янгийўл тумани Гулбаҳор Агробанк билан буғдой экинларимиз учун мажбуран суғурта сотиб олгандик. Сизга маълумки, буғдойни совуқ урди. Шундан сўнг бизга етказилган зарарни қоплаб бериши учун суғурта пулига мурожаат қилдик. Улар биз ҳақлигимизни тан олди ва зарарни тўлаб берамиз дейишган эди. Мана орадан 4 ой ўтди. Ҳали ҳам пул тушмади. Уларга мурожаат қилсак ҳар хил баҳона важларни айтишяпти.
Ҳақиқат қани? Нега суғурта назорат инспекцияси ишламаяпти?